ಹಾಸನಾಂಬ ಪುಷ್ಪ ಪ್ರದರ್ಶನ

ಜಾತ್ರಾ ಮಹೋತ್ಸವದ ಪ್ರಯುಕ್ತ ಭಕ್ತಾದಿಗಳಿಗೆ

ಹಾಸನಾಂಬ ಫಲಪುಷ್ಪ ಪ್ರದರ್ಶನದ ವಿಶೇಷತೆಗಳು

ತಾಯಿ ಹಾಸನಾಂಬ ದೇವಿಯ ದರ್ಶನಕ್ಕೆ ಆಗಮಿಸುವ ಭಕ್ತಾದಿಗಳಿಗೆ ಜಾತ್ರಾ ಮಹೋತ್ಸವ ಅಂಗವಾಗಿ ದಿನಾಂಕ 17/10/2025 ರಿಂದ 20/10/2025 ರ ವರೆಗೆ, ಹಾಸನ ನಗರದ ಬಿ.ಎಂ ರಸ್ತೆಯಲ್ಲಿರುವ ಸಿಲ್ವರ್ ಜೂಬ್ಲಿ ಪಾರ್ಕ್ ನಲ್ಲಿ ಆಕರ್ಷಣೀಯವಾಗಿ ಫಲಪುಷ್ಪ ಪ್ರದರ್ಶನ ಆಯೋಜಿಸಲಾಗಿದೆ.
ಫಲಪುಷ್ಪ ಪ್ರದರ್ಶನ ದಿನಗಳಲ್ಲಿ, ಪ್ರದರ್ಶನ ಕಾಲಾವದಿಯನ್ನು ಸಮಯ ಬೆಳಗ್ಗೆ 09:00 ಗಂಟೆಯಿOದ ರಾತ್ರಿ 08:30 ರ ವರೆಗೆ ನಿಗದಿಪಡಿಸಲಾಗಿದೆ.
ಈ ಭಾರಿ ಫಲಪುಷ್ಪ ಪ್ರದರ್ಶನದಲ್ಲಿ ಆಕರ್ಷಣೀಯವಾಗಿ ತಾಯಿ ಹಾಸನಾಂಬ ದೇವಾಲಯದ ರಾಜಗೋಪುರ ಮತ್ತು ಗರುಡ ಕಂಬವನ್ನು ವಿವಿಧ ಬಗೆಯ ಬಣ್ಣಬಣ್ಣದ ಹೂಗಳಿಂದ ಅಲಂಕರಿಸಿ ನಿರ್ಮಿಸುತ್ತಿರುವುದು ಒಂದು ವಿ಼ಷೇಷ.
ಪರಿಸರ ಸಂರಕ್ಷಣಾ ವಿಷಯಕ್ಕೆ ಒತ್ತು ಕೊಡಬೇಕಾದ ಇಂದಿನ ಅಗತ್ಯತೆಯಲ್ಲಿ, ಪರಿಸರ ಸಂರಕ್ಷಣೆ ಹಾಗೂ ಪರಿಸರಕ್ಕೆ ಪೂರಕವಾಗಿರುವ ವಿವಿಧ ಕಲಾಕೃತಿಗಳಾದ ಭೂಗೋಳ, ಸೂರ್ಯ, ಮತ್ತು ಇತರೆ ಹೂವಿನ ಮಾದರಿಗಳನ್ನು ಪ್ರದರ್ಶಿಸಲು ಉದ್ದೇಶಿಸಲಾಗಿದೆ.
ಅನುಪಯುಕ್ತ ವಸ್ತುಗಳನ್ನು ಬಳಸಿ ಗಾರ್ಡನ್ ಅಂದವನ್ನು ಹೆಚ್ಚಿಸುವ ಮಾದರಿಗಳನ್ನು ಪ್ರದರ್ಶಿಸಲಾಗುವುದು. ತರಕಾರಿ ಕೆತ್ತನೆ, ಇಕೆಬಾನ ಮುಂತಾದ ಮಾದರಿಗಳ ಪ್ರದರ್ಶನ ವೀಕ್ಷಕರ ವಿಶೇಷ ಗಮನ ಸೆಳೆಯಲಿವೆ.
ಶಾಲಾ ಮಕ್ಕಳಿಗೆ ಕೇವಲ ಕಲಾಕೃತಿಗಳ ಕಲಿಕೆಯಷ್ಟೇ ಅಲ್ಲದೆ ಫಲಪುಷ್ಪ ಪ್ರದರ್ಶನವು ಕ್ರಿಯಾತ್ಮಕವಾಗಿ ಹತ್ತು ಹಲವು ಕಲಿಕೆಯ ಆಸಕ್ತಿಯನ್ನು ಪ್ರೇರಿಪಿಸುವ ರೀತಿಯಲ್ಲಿ ಮೂಡಿಬರಲಿದೆ.
ಇದೇ ಫಲಪುಷ್ಪ ಪ್ರದರ್ಶನದಲ್ಲಿ ಸಾರ್ವಜನಿಕರ ಮಾಹಿತಿಗಾಗಿ ವಿವಿಧ ಇಲಾಖೆಗಳ ವತಿಯಿಂದ ವಸ್ತು ಪ್ರದರ್ಶನ ಮಳಿಗೆಗಳನ್ನು ಆಯೋಜಿಸಲಾಗುವುದು.
ಫಲಪುಷ್ಪ ಪ್ರದರ್ಶನಕ್ಕೆ ಹಿಂದಿನOತೆ ಪ್ರವೇಶ ಶುಲ್ಕವಿದ್ದು, ಶಾಲಾ ಮಕ್ಕಳ ಹೊರತಾಗಿ [10ನೇ ತರಗತಿಯವರೆಗೆ ಉಚಿತ ಪ್ರವೇಶ], ಉಳಿದ ಪ್ರತಿಯೊಬ್ಬರಿಗೆ ಪ್ರತೀ ಟಿಕೇಟ್ ಶುಲ್ಕ ರೂ. 20/- ನಿಗದಿಪಡಿಸಲಾಗಿದೆ.
ಫಲಪುಷ್ಪ ಪ್ರದರ್ಶನ ಆವರಣದಲ್ಲಿ, ಜಾತ್ರಾ ಮಹೋತ್ಸವ ಆವರಣದಲ್ಲಿ ಮತ್ತು ನಗರದೆಲ್ಲೆಡೆ ಸ್ವಚ್ಚತೆ ಕಾಪಾಡುವ ಸಾರ್ವಜನಿಕ ಜವಬ್ದಾರಿಯಲ್ಲಿ ಎಲ್ಲರೂ ಸಹಕರಿಸಲು ಮನವಿ ಮಾಡಿದೆ, ಪ್ಲಾಸ್ಟಿಕ್ ಮತ್ತು ಕಸ ಮುಕ್ತ ಜಾತ್ರಾ ಮಹೋತ್ಸವದ ವಿ಼ಶೇಷ ಸಂಕಲ್ಪಕ್ಕಾಗಿ ಕೋರಿದೆ.