ವಿಐಪಿ ಶಿಷ್ಠಾಚಾರ ನಿಯಮಗಳು

ತಾಯಿ ಹಾಸನಾಂಬ ದೇವಿ ದರ್ಶನಕ್ಕೆ ವಿಐಪಿ ಶಿಷ್ಠಾಚಾರ ನಿಯಮಗಳು

2025 ರ ಜಾತ್ರಾ ಮಹೋತ್ಸವಕ್ಕೆ ರಾಜ್ಯ ಮತ್ತು ಹೊರರಾಜ್ಯಗಳಿಂದ 25 ಲಕ್ಷಕ್ಕೂ ಹೆಚ್ಚು ಭಕ್ತಾದಿಗಳು ದರ್ಶನಕ್ಕೆ ಆಗಮಿಸುವ ನಿರೀಕ್ಷೆಯಿದ್ದು, ಅವರ ಸುರಕ್ಷತೆ ಹಾಗೂ ಸುಲಲಿತ ದರ್ಶನ ನಮ್ಮೆಲ್ಲರ ಅತ್ಯಮೂಲ್ಯ ಜವಾಬ್ಚಾರಿ.
ಶಿಷ್ಠಾಚಾರಕ್ಕೆ ಒಳಪಡುವ ಗಣ್ಯರಾದ ತಾವು ಮತ್ತು ತಮ್ಮ ಕುಟುಂಬದವರು ಆಗಮಿಸಿ ದೇವಿ ದರ್ಶನ ಪಡೆಯಲು ಗೌರವಪೂರ್ವಕವಾಗಿ ಆಹ್ವಾನಿಸಿದೆ.
ಶಿಷ್ಠಾಚಾರ ವ್ಯವಸ್ಥೆಯು ದಿನಾಂಕ: 09/10/2025 ರಿಂದ 20/10/202 ರ ವರೆಗಿನ ದಿನಗಳಲ್ಲಿ ಬೆಳಿಗ್ಗೆ 10:30 ರಿಂದ ಮಧ್ಯಾಹ್ನ 12:30 ಗಂಟೆ ವರೆಗೆ ನಿಗಧಿಯಾಗಿರುವ ಬಗ್ಗೆ ತಿಳಿಸಬಯಸಿದೆ.
ದರ್ಶನ ಬಯಸಿದ ದಿನಾಂಕಕ್ಕೆ 5 ದಿನಗಳ ಮುಂಚಿತವಾಗಿ ಜಿಲ್ಲಾಧಿಕಾರಿಳ ಕಛೇರಿ ಇ-ಮೇಲ್ ವಿಳಾಸಕ್ಕೆ (deo.hassan@gmail.com) ಶಿಷ್ಠಾಚಾರದಲ್ಲಿ ವ್ಯತ್ಯಾಸವಾಗದಂತೆ ಪತ್ರ ವ್ಯವಹರಿಸಲು ಕೋರಿದೆ.
ಗಣ್ಯರು ದರ್ಶನ ಪಡೆಯುವ ದಿನಾಂಕವನ್ನು ಪೂರ್ವ ನಿಗಧಿಪಡಿಸಿಕೊಂಡು, ದಿನಾಂಕ ಖಾತರಿಪಡಿಸಿಕೊoಡoತೆ ದರ್ಶನ ಕಾಲಾವಧಿಯೊಳಗೆ ಒಂದು ಗಂಟೆ ಮುಂಚಿತವಾಗಿ ಆಗಮಿಸಿ ಶಿಷ್ಠಾಚಾರಕ್ಕೆ ನಿಯೋಜಿತ ಅಧಿಕಾರಿಗಳಿಗೆ ತಿಳಿಸಲು ಕೋರಿದೆ.

ಶಿಷ್ಠಾಚಾರಕ್ಕೆ ಒಳಪಡುವ ಗಣ್ಯರ ಜೊತೆ ಅವರಿಗೆ ಸಂಬoಧಿತ 4 ಜನರ ಸಂಖ್ಯಾಮಿತಿಯಲ್ಲಿ (1+4=5) ಮಾತ್ರ ಶಿಷ್ಠಾಚಾರ ದರ್ಶನಕ್ಕೆ ಅವಕಾಶ ರೂಪಿಸಿದೆ.
ಹಾಸನದ ಪ್ರವಾಸಿ ಮಂದಿರದಿoದ ಜಿಲ್ಲಾಡಳಿತ ನಿಗಧಿಪಡಿಸಿದ ಶಿಷ್ಠಾಚಾರ ವಾಹನಗಳಲ್ಲಿ ಮಾತ್ರ ಗಣ್ಯರ ದರ್ಶನಕ್ಕೆ ವ್ಯವಸ್ಥೆ ಕೈಗೊಂಡಿರುವುದರಿoದ, ಗಣ್ಯರ ಸ್ವಂತ ಅಥವಾ ಸರ್ಕಾರಿ ವಾಹನಗಳನ್ನು ಪ್ರವಾಸಿ ಮಂದಿರದಲ್ಲೇ ನಿಲುಗಡೆಗೊಳಿಸಲು ಅವಕಾಶ ಕಲ್ಪಿಸಿದೆ.
ದರ್ಶನದ ಶಿಷ್ಠಾಚಾರ ಸಂಖ್ಯೆಯಲ್ಲಿ ಹೆಚ್ಚಳವಿರುವುದರಿಂದ ಪ್ರವಾಸಿ ಮಂದಿರದಲ್ಲಿ ತಾತ್ಕಲಿಕ ವಿಶ್ರಾಂತಿ ವ್ಯವಸ್ಥೆಗೆ ಮಾತ್ರ ಅವಕಾಶ ಕಲ್ಪಿಸಲಾಗಿರುತ್ತದೆ.